Buεlam Messusi illul ass n 24 ctember 1951 di taddart n Tqeryett di tama n At Weγlis. D ababat n sin warrac d teqcict. Llan wid i t-yessnen d aselmad n tusnakt, d afesyan (officier) di lεesker, d bab n Iqahwa, d win yettarun imeslayen i kra n icennayen (gar-asen Ccix El Mahdi), d amedyaz, d aεeggal di tesquma n uktazal di temliliyin n tmedyazt deg Uqbu, deg At Ziki, d win i iḥemmlen, i ixeddmen aṭas tisuqilin si Tefransist γer Teqbaylit. Yessuqeld yakan sin yedlisen γef tessuqilin n Jean de La Fontaine deg useggas 2004 d 2009 akked d Kalila d Dimna n Ibn El Muqeffeε deg useggas 2014.